January 31, 2023

Бесими: Сите кои добиле паричка во лебчето ако не платат данок ќе им тропне извршител

Веќе измина првата недела од Месец Јануари, бидејќи сите во Декември месец си ги потрошивме паричките повеќе од јасно е зошто овој месец ни трае како една година.

Министерот Бесими и во 2023 година ги истакнува своите способности кога е во прашање подоброто збирање на пари од даноци за да имаме полна каса.

Бесими: „Сите кои во лебчето добиле паричка ќе рачунаме дека оствариле екстра профит во 2023 година и ќе бидат оданочени а доколку не го платат данокот во законски предвидениот рок ќе им тропне извшрител за да го наплати данокот“.

Од министерството за финансии кажаа дека веќе знаат кои луѓе за Бадниковата вечера оствариле екстра профит но дека ќе почекаат да дојде Василица затоа што доста голем дел од народот врти леб со паричка и на Василица па потоа сите еднакво и во исто време ќе бидат оданочени.

Ковачевски, Џафери и Пендаровски го поздравија воведувањето на овој данок и кажаа дека парите собрани од овој данок ќе се искористат за да се зголеми исплатата за патните трошоци на пратениците.

НАПОМЕНА СТАТИЈАТА Е 100% САТИРИЧНА ИЗМИСЛИЦА СИТЕ СЛИЧНОСТИ СЕ СЛУЧАЈНИ

EfIhjEhiVZjACvmw